4ª jornada del viaje de estudios de 2º de bachillerato a París

Euro Disney

Kronikaren egilea: Oiartza Aguinaga Vicente

Gure azken eguna da Parisen eta ezin dugu burua tente mantendu, baina hala eta guztiz ere Disneyland ikusteko irrikan gaude eta horretara goaz, bidaiaren ginda ondo dastatzera. Esnatu eta azken gosaria hartzen dugu, egunerako hainbat erreserbekin batera. Bokatak eta maletak eginda, bidaia martxan jartzen dugu eta Disneylandiara abiatzen gara. Horra ailegatu eta parkean existitzen diren gauza guztiak probatu eta gero, dendekin arrasatzen dugu senideak eta lagunak pozik egiteko asmoarekin, eta baten bat bere burua polita ikusteko ere zenbait erosketa egiten ditu. Eguna bukatzen doaz eta honekin batera gure bidaia ere helmugara ailegatzen ari da. Autobusa hartu eta Bilborako bidaia hasi baino lehen, agurra dago. Imajinatzen dugun baino agur ezin hobea. Guztiok elkarrekin zoruan eserita gaztelu arrosa erraldoi baten aurrean, zeinean Disney historiako pertsonaia garrantzitsuenak agertzen diren argiek eta urek egiten dituzten joko miresgarriekin. Horrela konturatzen gara nola ez zarela umea izan behar amets egiteko, nola, nahiz eta gauzak txarto egon eta guztia beltza ikusi, beti dagoela amets egiteko denbora eta amets egitea ez dela txikien kontua, baizik eta imajinazioa daukaten guztien plazerra; eta penagarria da pentsatzea hau gure azken momentua dela guztiok elkarrekin bizitzeko, baina Walt Disneyk esan zuen moduan, beti aurrera jarraitu behar da, eta orain, bakoitzak bere bizitzarekin jarraitu arren, beti geratuko zaigu Paris.